PYAR ..........

PYAR


wo jazba hai
jiski pakizgi pe
puri duniya
qurban ki ja sakti hai........

ZINDAGI ...........

ZINDAGI

manga hua tohfa hai....
jise wapas karna aziyatnak khayal hai......

CHAND ........

CHAND


raat ka wo khamosh musafir hai
jo khud to andheron me safar karta hai....
magar dusron k liya qadam-qadam par noor bikherta hai.....

YAADEIN .........

YAADEIN


insan ki behtarin dost hai
jinhe duniya ki koi v taqat juda nhi kar sakti.....
miss u truely..

INTEZAR........

INTEZAR


beqarari ka dusra naam hai...
aur intezar ki lazzat se wahi log aashna hote hai
jo shab e alam se le kar talu sehar se isme jalte hai......

UMMEED........

UMMEED


ek aisi thandi aur sukun baksh wadi hai
jo apne pursukun daman me insan ko panah de kar
use mayusi k athhahh samundar me dubne se bachati hai......

AANSUU.........

AANSUU

ye karwe ghunt
ummidon k sahare
pine parte hai....

Mujh Ko Apna Banane Ka Wada Karo..

KhushBu Ki Tarhaan Meri Har Sans Main
Piyar APna Basane Ka Wada Karo

Rang Jitne Tumhari Mohabat K Hen
Mere Dil Main Sajane Ka Wada Karo

Hai Tumhari Wafaon Per Mujh Ko Yaken
Phir Bhi Dil Chahta Hai Mere Dil Nashen

Yun He Meri Tasali Ki Khatir Zara
Mujh Ko Apna Banane Ka Wada Karo

Sirf Lafzon Se Iqrar Hota Nahe
Eik Janib Se He Piyar Hota Nahe

Main Tumhen Yad Rakhne Ki Khaon Qasam
Tum Mujhe Na Bholane Ka Wada Karo.....

Mujhey tum yaad aatay ho...

Mukaddar k sitaron per,
Zamanay k esharon per,
udasi k kinaron per,
kabhe veran shehraon per,
kabhe sunsan rahon per,
kabhi hairon ankhon main,
kabhi bayjan lamhon main,
tumhari yad chupkay say,
koi sargoshi kerti hay,
yeh palkain bheeg jati hain,
do ansu tot girtay hain,
main palkon ko jhukata hon,
bazahir muskurata hon,
faqat itna he kah pata hon,
mujhey kitna sataty ho,
MUJHEY TUM YAD ATAY HO,
MUJHEY TUM YAAD AATAY HO..

Na koi rishta hay tum se na koi talluk......

Najane q meri shairi ka unwan ban jate ho tum,
Sub kuch jante howe bhi anjan ban jate ho tum,

Na koi rishta hay tum se na koi talluk,
phir bhi na jane q mera man ban jate ho tum,

Me jo bhi likhtI hon bat zara qarene se,
MerI geet meri shaira merI deewan ban jate ho tum,

Dil se jo nikalti hai, labon pe aa k dum tor deti hay,
Woh tamanna, wo hasrat wo arman ban jate ho tum.

Main lakh karon koshish tum se tark-e-tlluq ki,
Phir bhari mehfil main meri pehchan ban jate ho tum........

Kisi se pyar kertay ho.......

Kahan dil chor aye ho,
bohut chup chap se rehtay ho,

Na bante ho na sanwarte ho
na koi bat karta ho

Bhari mehfil main bhi aksar
hamesha khoay rehtay ho

Udasi aankho main le kay
her ek chehre ko takte ho

Koi jab yaad aata hai to
Thundi aah bharte ho

To khul kar kion nahin kehtay
Kisi se pyar kertay ho.......

Meri Ankhon Ke Samandar.........

Meri Ankhon Ke Samandar main Jalan kaisi Hai

Aaj Phir Dil Ko Tadapne Ki LaGan Kaisi Hai

Ab Kisi Chaat Pe Chiraghon Ki Qatarin Bhi Nahi

Ab Tere Shehar Ki Galiyon Main Guthan Kaisi Hai

Baraf Ke Roop Main dhaal Jain Ge Sare Rishte

Mujh se Poocho Ke Muhabbat Main Agan kaisi Hai

Main Tere Wisal Ki Khuwahish Ko na Marne Doon Ga

Musam-e-Hijar Ke lehje Main Takan Kaisi Hai

Raigzaron Main Jo Banti Rahi Kanton Ki RiDa

Us Ki Majboor Si Ankhon Main Kiran Kaisi hai

Mujhe Masoom si Pagal Ladki Pe Taras aata hai

us se Dekho Tu Muhabbat Main Magan Kaisi Hai........

Zindagi Sadiyon Ka Hasil, Zindagi Sadiyon Ka Roop.....

Apnay Zarf, Apni Talab, Apni Nazar Ki Baat Hai
Raat Hai Laikin Merey Lab Par Sehar Ki Baat Hai

Aashian K Sath Puri Zindagi Badli Gai
Kam Nazar Samjhay K Masht-E-Bal-O-Par Ki Baat Hai

Taa Abaad, Kitnay Andharay Thay Jo Roshan Ho Gai
Shaama Ka Jalna Bazahir Raat Bhar Ki Baat Hai

Zindagi Sadiyon Ka Hasil, Zindagi Sadiyon Ka Roop
Zindagi Jo Chashmak-E-Barq-O-Sharar Ki Baat Hai

Manzil Ek Reh Roo Ka Thak Jana Hai Warna Zindagi
Ek Musalsal Rehguzar, Payham Safar Ki Baat Hai......

Apni yaden, apni batain lay ker jana bhool gaya...

Apni yaden, apni batain lay ker jana bhool gaya,
Janay wala jaldi main tha, mil ker jana bhool gaya,

Mur, murr ker dekha tha usnay jatay rastay main,
Jesay usnay kehna tha kuch, jo wo kehna bhol gaya,

Waqt-e-rukhsat meri ankhain ponch raha tha anchal se,
usko gham tha itna ziyadah, khud wo roona bhool gaya....

Kaisay kahon k apna bana lo mujhey..........

Kaisay kahon k apna bana lo mujhey,
Bahoun main apni sama lo mujhey,

Bin tumharay ek pal bhi kat-ta nahin,
Tum aa ker mujh se chura lo mujhey,

Zindagi to wo hai sang tumharay jo guzray,
Duniya k ghamoun se ab chura lo mujhey,

Mere sab se gehri Khuwahish ho puri,
Tum agar pas apnay bula lo mujhey,

Yeh kaisa nasha hai jo behka raha hai,
Tumhara hon main tu phir sanbhalo mujhey,

Najanay phir kaisay guzray gi Zindagani,
Agar apnay dil se kabhi tum nikalo mujhey.......

Wo yar hamara kaisa hai ?.......

Aye moj-e-hawa,Ab tu hi bata,
Wo yar hamara kaisa hai?

Jo bhool gaya hum ko kab se,
Wo jaan se pyara kaisa hai ?

Kia us ko jeewan lamho mein,
Koi lamha mera baqi hai ?

Kia uski jaagti aankhon main,
Meri yaad se phaili udasi hai ?

Kia wo bhi meri tarah yun hi,
Shab bhar jaga kerta hai ?

Kia wo bhi saya-e-rehmat main,
Hamain RAB se manga karta hai ?

Agar aisa nahi to tu hi bata,
Hum yaad use Kion kertay hain ?

Wo humse bicher ker khush hai agar,
To hum pal pal kion marte hain ?

Main duniya bhool jati hon.....

Nazar jub tum se milti hai main khud ko bhool jati hoon,
Bas ek dharkan dharakti hai, main khud ko bhool jati hon,

Tumhain milne se pehle main bohut sajtii sanwarti hon,
Magar jub tum sanwarty ho main khud ko bhool jati hon,

Main aksar kitabon pe tera hi naam likhti hon,
Magar kuch tum jo likhty ho main khud ko bhool jati hon,

Main aksar yehi kehti hon, main tum say pyar karti hon,
Magar jub tum yeh kehty ho main duniya bhool jati hon.....

Phir Kitna Hua Hai Asar Puchte Hain.....

Ek Lamhe Me Unhone Zindagi Sawar Di,
Doosre Lamhe Me Unhone Zindagi Ujad Di,

Kusoor Unka Nahi Hamara Hai
Un Do Lamho Mein Hamne Zindagi Guzar Di.

Saza Dene Wale Raza Puchte Hain,
Jeene Ki Humse Wajah Puchte Hain,

Dete Hain Khud He Zahar Humko Aakar,
Phir Kitna Hua Hai Asar Puchte Hain......

Ejazat day do...

Khud ko is dil main basanay ki ijazat day do,
Mujh ko tum apna bananay ki ijazat day do,

Tum meri zindagi ka ek haseen lamha ho,
Pholon say khud ko sajanay ki ijazat day do,

Mein kitna chahti hon kis tarah bataon tumhein,
Mujhey yeh batanay ki ijazat day do,

raat si zulfon mein chand sa chahra,
Yeh jaan tum par lutanay ki ijazat day do,

Nahin shoq Saqib ko bhool ka magar,
Mujhey yeh duniya bhool janay ki ijazat day do......

Kuch log bohut yaad aate hain .....

Jub yad ka album kholon to,
Kuch log bohut yad ate hain,

Main guzre dinon ka sochon to,
Kuch log bohut yaad ate hain,

Ab jane kis nagri main,
Soay pare hain muddat se,
Main raat gaye tuk jaogon to,
Kuch log bohut yaad aate hain

Kuch batein theen pholon jesi,
Kuch khushbo jese lehje thy,

Mein sheher-e-chaman mein tehlon to,
Kuch log bohut yaad aate hain

Wo pal bhar ki narazgiyan,
Aur maan bhi jana pal bhar main,
Ab khud se jub bhi rothon to,
Kuch log bohut yaad aate hain.....

Meri pagal mohabbat tumhein yaad aye gi...

Meri pagal mohabbat tumhein yaad aye gi,

Jab chand sitare chamak rahe hon,
Jab yadon k phool mehek rahe hon,
Jab deed ko nain taras rahe hon,
jab ankhon se ansu baras rahe hon,

Meri pagal mohabbat tumhein yaad aye gi

Jab tanhai se dil ghabrae ga,
Jub tumhein akela pan sataye ga,
Jab koi khuab he na aye ga,
Jab phool kitab mein he reh jayenge,

Meri pagal mohabbat tumhein yaad aye gi......

Hum Nahi Chahatay...

Shaam-e-Fursat Dhalay, Hum Nahi Chahatay,
Ghum Say Fursat Milay, Hum Nahi Chahatay…..

Phir Naya Waar Sehne Ko taiyyar Hain,
Tu Parayshan Rahay, Hum Nahi Chahate…..

Aaj Aansoo Bahanay say, Mut Roko,
Aaj Barish Thumay, Hum Nahi Chahatay…..

Hum Teray Baad Ujray Hon, To bhi Theek Hai,
Ab Kahin Dil Lagay, Hum Nahi Chahate….. .

Teray Pekar Ko Ham Dekhte Hi Rahein,
Tu Nazar Say Hatay, Ham Nahi Chahate…..

Kis Qadar Dil Nasheen Hai Ye Moujon Ka Shor,
Ghum Ka Dariya Ruke, Ham Nahi Chahate…..

Iss Qadar Piyar say Tu Pukara na Kar,
Aag Dil Ko Lagay, Hum Nahi Chahate….!

aik mein bhi tanha they sau(100) mein bhi akailey hein...

Zindagi ki raahon mein Ranj-o-gham ke mele hein
bheer hey qayamat ki …phir bhi hum akailey hein

sazishein zamaney ki kaam ker gain aakhir
aap hein udher tanha …hum idher akailey hein

bheer hey qayamat ki …phir bhi hum akailey hein

ab to apna saya bhi kho gaya andheron mein
aap se bichar ker hum kis kadar akailey hein

kon kis ka sathi hey hum to gham ki manzil mein
pehley bhi akailey they …aaj bhi akailey hein

aainey ke soo tukrey ker ke hum ne dekhey hein
aik mein bhi tanha they soo mein bhi akailey hein

bheer hey qayamat ki phir bhi hum akailey hein
zindagi ki raahon mein ranj-o-gham ke mele hein

paas hey sawa jiskey eik na ik haseen katil
justiju mein katil ke …siraf hum akailey hein

bheer hey qayamat ki … phir bhi hum akailey hein
zindagi ki rahoon mein ranj-o-gham ke mele hein...!

kuch dil ki laghi...

Kuch Dil Ki Lagi Tum Chero,
Kuch Dil Lagana Hum Sikhayen..

Kuch Pyar Ki Baatein Tum Karo,
Kuch Pyar Nibhana Hum Sikhayen.

.Kuch Nazar Ka Ishara Tum Karo,
Kuch Aankh Milana Hum Sikhayen..

Kuch Jan KI Baazi Tum Lagao,
Kuch Jan Sey Jana Hum Sikhayen..

Kuch Thora sa Hans K Tum Dakho,
Kuch Muskurana Hum Sikhayen..

Kuch Milney Ki Aas Tum Do,
Kuch Waqt Pey Aana Hum Sikhayen..

Dil Per Tum Bus Hath Rakh Do,
Kuch Dil Dharkana Hum Sikhayen..

Kuch Pyar Sey Paas Tum Aao,
Kuch Galey Lagana Hum Sikhayen

tere khushbuu men base Khat main jalaati kaise...

tere khushbuu men base Khat main jalaati kaise
pyaar men Duube huye Khat main jalaati kaise
tere Khat aaj main gangaa men bahaa aayi huuN
aag bahate hue paanii men lagaa aayi huuN

jin ko duniyaa kii nigaahon se chhupaaye rakhaa
jin ko ik umr kaleje se lagaaye rakhaa
diin jin ko, jinhen iimaan banaaye rakhaa

tune duniyaa kii nigaahon se jo bachkar likhe
saalahaasaal mere naam baraabar likhe
kabhii din men to kabhii raat men uThakar likhe

pyaar men Duube huye Khat main jalaati kaise
tere haathon ke likhe Khat main jalaati kaise
tere Khat aaj main gangaa men bahaa aayi huuN
aag bahate huye paannii men lagaa aayi huuN...

Farz karo..!

farz karo tum chat per baithe
apne baal sukhatey hoo.

farz karo ke dhoop
ka us din kuch kuch rang gulaabi hooo.

farz karo tum baithe baithe
gehri souch main kho jao.

baal sukhana choord ke sar
ghutnoon pe rakh kar so jao.

farz karo us neend main
tum ne dekha asai sapna hooo.

bekal hokar man ye chahey
kaash ye sapna apna hooooo.

farz karo tum khat likhne ko
kaghaz qalam uthatey hoo.

khat likhne se pehle kaghaz
ko khushboo khoob lagatey hooo.

farz karo alqaab pe aakar
qalam tumhara ruk jaey.

nazar tumhai dhak dhak
karke dil ki janib jhuk jaey.

farz karo aik naam likho
aur likh kar kato phir likho.

farz karo sapne afsane khat
ka naam muhabbat ho.

farz karo hum donon ke dil aik
hi saath dhardakte hooon.

farz karo ye saari baatain
FARZ na karni pardti hoon..!

Yeh zara zara si baat per,Tarha tarha ka azaab kiyon?

Yeh zara zara si baat per,
Tarha tarha ka azaab kiyon?

Jo kisi say bhi khafa na ho,
Mujhey us khuda ki talash hai.

Mujhey laghzishon pay her ghari,
Koi tokta hay baar baar.

Jisay ker k dil ko dukh na ho,
Mujhey us gunah ki talash hai,

Bina Humsafar k kab talak,
Koi musafaton main laga rahay.

Jahan koi kisi say juda na ho,
Mujhey us raah ki talash hay.

Mujhey daikh ker jo aik nazar,
Meray saray dard samajh sakay.

Jo is qadar ho Chara-e-gar,
Mujhey us nigaah ki talaash hay.

Abhi kuch dair baqi hai…!!

Abhi kuch dair baqi hai…!!
Khizan k beet janay main,
Guloun k Muskuranay main,
Khushi k geet ganay mein,
Baharon k zamanay main,
Abhi kuch dair baqi hai..!
Main tum ko bhool jaonga..!
Na tum ko Yaad aaonga..!
Main tum se dour reh k bhi,
Tumhain jee ker dikhaonga..!
Tumhain maloom hay laikin,
Yeh sub main kar na paaonga,
K tum ko bhool janay main,
Abhi kuch dair baqi hay..!

Muhbat hum say karni hai...

Muhbat hum say karni ho to phir wada nahi karna,
ye waday hum nay Dekhay hain k aksar tot jatay hain

Muhbat hum say karni hai to phir zid bhi nahi karna,
ye zid bhi hum Nay dekhi hai k sathi chhot jatay hain

Muhbat hum say karni hai to phir tohfa nahi daina,
ye tohfay hum nay Dekhay hain buht majbor kartay hain

Muhbat hum say karni hai to phir shikwa nahi karna,
ye shikway hum nay Dekhe hain dilon ko dor karte hain

Muhbat hum say karni hai to phir roya na karna,
ye aanson hum nay Dekhay hain dilon ko cheer detay hain...!

MUJHE TUM SE BATIEN KRNI HAI...

Kabhi aajao tum pal bhar ko,
Mujhe tum se batien krni hain,

Kuch ghum k geet sunanay hain,
Kuch raaz hain jo batlanay hain,

Kuch dil ko b batlana hai,
Kuch zakhm hain jo dikhlanay hain,

Kuch dil se yaadain dhoni hain,
Kuch naatay nai bnanay hain,

Jo sher likhay hain teri furqat mein,
Kuch sher tumhe wo sunanay hain,

Kuch dard sunanay hain dil k,
Kuch piyar ki batien krni hain,

Kabhi aajao tum pal bhar ko,..!

………Kaash…….

mein kuch b nahin hoon tere liye
kuch tere liye mein ho jaon

tere dil men rahoon ankhon mein basoon
dharkan men shamil ho jaon

to jab koi baat kare
mera naam b us meia shamil ho

to jab b mange kuch rab se
meri zaat b us men shamil ho

har bar nahin ik baar sahi
ik bar to aisa ho jae

ik pal k liya ae jan-e-wafa
tujhe mujh se mohabbat ho jae

AY KAASH K AISA HO JAE
AY KAASH K AISA HO JAE...!

jis ki chahat ko...

jis ki chahat ko her chaht say mootaber rakha,
Khud tha ghamgeen mager us ko baykhaber rakha,

aaj wahi shakhs mayray g ko jalata hay bohat,
roh ko ghayal ankhoon ko rulata hay bohat,

kon c main nay thee us say khudaii mangi,
jub bhi mangi tu fakt us say mohabt mangi,

mayri chaht ka badla mujh ko istarah say mila,
hansta jo dil tha mayra mujh ko hay ujra sa mila...!

Har roz dekhti hu...

Har roz dekhti hu tumhe naino ke jharokhon se, 

Har roz iss dil ko tum naye hi nazar aate ho.. 

Kya bat hai tere husn mein samjhaye koi mujhe, 

Kyu har baar aur bekarar mujhe kar jaate ho.. 

Kehna chahte hai kitni batein tumse dil ki apne, 

Par tum toh nigahen milane se bhi katrate ho.. 

Dekha hai tumhe chupke chupke mujhe dekhte hue, 

Phir pas aane se mere kyu ghabraate ho.. 

Aise na karo, izhaar-e-dil mushkil hua jaata hai, 

Kyu dil ki mere uljhano ko tum badhate ho.. 

Jo baat tere dil mein hai, wahi hai bat idhar bhi, 

Keh bhi do usse, kyu dil ko itna tadpate ho.. 

Lab khamosh hain khamosh sahi, parwah kisko hai, 

Nigahon se kaho kab mujhe haal-e-dil sunate ho....!

“Kahun K Kia Ho Tum….?”

“Kahun K Kia Ho Tum….?”

Mere liye meri Duniya ho Tum,
Cho k jo Guzre wo Hawa ho Tum,

Maine jo Mangi wo Dua ho Tum,
Kya maine Mehsos wo Ehsas ho Tum,

Mere Nazar ki Talash ho Tum,
Mere Zindagi ka Qarar ho Tum,

Maine jo Chaha wo Pyar ho Tum,
Mere Intizar ki Rahat ho Tum,

Mere Dil ki Chahat ho Tum,
Tum ho tu Duniya hai Meri,

Kaise Kahun k Sirf Pyar Nahin,
Mere JAAN ho Tum...!

KOI KIYA JANAY...

Mosam-e-hijr k lamhat koi kiya janay,
Kya guzarti hai meray sath ko kiya janay,

Doriyon me bhi tere sath marasim hen woi,
Roz hoti hai mulaqat koi kiya janay,

Log hansti hui ankhon pe yaqeen rakhtay hain,
Mere ansuu mere jazbat koi kiya janay,

Ek tu hai jisay malum hen sari batain,
Shab-e-hijran mere halat koi kiya janay,

Koi kiya janay k khamoshiyan kia kehti hain,
Aay ~pardesi~ teri ankhon k sawalat koi kiya janay...!

TEHREER MEIN THA...

Ye jo shafaaf sa ik aks us jheel mein tha,
Koi chehra tha magar chaand ki tamseel mein tha,

Yaad karta hu kahan bhool k aya hu usay,
Aisa hi aks meri soch ki zambeel mein tha,

Baat kia thi ye mujhe achi tarah yaad nahi,
Haan aap ka zikr b tha aur bari tafseel se tha,

Koi pegham tha ankhon mein so ankhon mein raha,
Masla asal to paigham ki tarseel mein tha,

Is naye nuskhe mein takhreef hui hai warna,
Zikr mera bhi kahin pyar ki injeel mein tha...!

KOI NAAM NAHI AY GA...

Ab koi harf-e-dua kam nahi ay ga,
Ab wo mehtab sar-e-bam nahi ay ga,

Ab dhalay ga na kabi hijr ka jalta suraj,
Ab kabi wasl ka hangama nahi ay ga,

Ja k us kochay mein hum u hi palat ay gay,
Waqt-e-rukhsat koi 2 gham nahi ay ga,

Uski galyon mein hamay koi nahi pehchanay ga,
Koi tana koi dashman nahi ay ga,

Dil k darwazay per dastak nahi de ga,
Koi nama koi paigham nahi ay ga,

Umr bhar matam mein shehr-e-tamana ho ga,
Neend to ay gi aram nahi ay ga,

Magar ae bad-e-saba us se ja kr kehna,
Is kahani mein abkoi nam nahi ay ga...!

Mujay awaz de laina...

Mujay awaz de laina

Kabi jab ankh chalke to
Kabi jab dil na sambhle to
Mujay awaz de laina

Kabi jab dur ho koi
Bohat majbur ho koi
Koi awaz na day to
Mujay awaz de laina

Koi ansu na ponche to
Koi hansnay se roke to
Koi tum ko sataye to
Mujay awaz de laina

Kabi jab din na guzray to
Kabi jab raat tarpaye
Kabi din mei andhera ho
Mujay awaz de laina

Main tere passhota hon
Main teresath rehta hun
Mgr phir bhi guzarish hai
Mujay awaz day laina...!

Meri hasrat k janazay ko….

meri hasrat k janazy ko uthany waly,
kitny bedard hain yeh loag zamany waly,

koi apna nahi matlab ki hai yeh dunya sari,
ab kahan milty hain woh yar purany waly,

main dua go hon sada nendain mubarik tum ko,
hijar ka dard dy k muj ko jagany waly,

bus yeh he soch kar har bar manata hon usy,
loat k aaty hain kahan rooth k jany waly,

un k dil main kabhi jhank ker dekho to sahi Saqi,
kitny afsurda hain auron ko hansany waly..!

Kese Bhool Gaya WO...

Kese Bhoool gaya wo guzre huwe din
Lagta nahi tha us ka dil mere bin

Dosto se kaha karta tha wo b,
Kiya ye b ji sakta hai mere bin

Mazaq ban jaya karta tha jo Doston mein
khud ko tanha samjta tha wo mere bin

Isse hade diwangi kahoon ya pagalpan
tasawar me wo batein kiya karta tha mere bin

Wo mosmoon k badlny se darta nahi tha lekin
bahar mein murjhaya karta tha mere bin

Ab As tot gain uske aani ki
Lagta hai Jina sekh chuka hai mere bin...!

Phele mai or tum the ab hum ho gaye...

Phele mai or tum the ab hum ho gaye
wo mere zakhmo ka marham ho gaye..

jab se unse meri shana sayi howi
wo mera sarmaya ghum ho gaye

wo sar-e-gulshan sanwer kar agaya
or sab hi pholo ke sar kham(open) ho gaye

dekhiye matlab mera kuch or tha
ap to ase hi bharam ho gaye

ishaq main pher koi uljhan na rahi
mashware jab unse baham ho gaye

jab ayadat ke lye wo agya
dard-e-dil ke nisbatan kam ho gaye…!

Mil jae gy ek din hum kuch is tarhan...

Tairi judae mai hoe jo halat to daikho
Raton ko nend na ae kuch to socho

Jab say gae ho dur hum sy
Yaad utna he aty ho kasam sy

Nahin ata aghar yaqeen is baat ka to
Khwabon mai taire yaadon ke shidat to daiko

Janty hain pyar mai hoty hain imtaihan bhot
Tairy intaizar ke hai jo tarap to daikho

Je rahy hain tum bin hum kis tarhan
Ankhoon sy beh rahy ansoon to daikho

Janty hain nhi hoga yaqeen jab btaen gay hal-e-dil apna
Har dharkan pay likha hai taira he naam
Seeny sy dil nikal kar to daikho

Mil jae gy ek din hum kuch is tarhan
Khuda nai likha jo mukadar to daikho…!

Shaam e Gham Ki Qasam...

Shaam e Gham Ki Qasam

Aaj GhamgEen Hain Hum
Aa Bhe Jaa Aa Bhe ja Aaj Meray Sanam
Dil PreShan Hai Raat Veeraan Hai
Dekh Ja Kis Trah Aaj tAnhA Hain Hum

Shaam e Gham Kii Qasam

Khail Kaisa Jo PehlOo Mein tOo Hi Nahien
Maar Dalay Na dArd e jUdaii Kahien
Rut HaSEen Hai To Ko Kya Chandni Hai To Kya
Chandhi Zulam Hai Or jUdaii Sitam

Shaam e Gham Ki Qasam

Ab To Aaja K Ab Raat Bhe So Gaii
Zindgi Gham K Sehraon Mein Kho Gaii
DhOondhatii Hai Nazar tOo Khaan Hai Magar
Dekhtay Dekhtay Aaya AankhOn Mein Nam
Shaam e Gham Ki Qasam...!!!

Khata Kis Ki Thi . . .

Zakhm_e_Tanhai Mein Khushbo_e_HinA Kis Ki Thi
Saaya Deevar Per Mera Tha, Sada Kis Ki Thi

Os ki Raftaar Say Lipti Raheen Ankhein Meri
Os Ne Murr Kar Bhi Na Dekha k Wafa Kis Ki Thi

Ansuon Say He Bhar Gaya Daaman Mera
Haath To Main Ne Uthaaya Tha, Dua Kis Ki Thi

Meri Aahon Ki Zaban Koi Samjhta Kaisay?
Zindagi Etni Dukhi Meray Siva Kis Ki Thi

Aag Say Dosti Os Ki Thi, JaLa Ghar Mera
Dee Gai Kiss Ko Saza, Aur Khata Kis Ki Thi . . .!!!

Mujhe kamil yaqeen hai tum...

Mujhe kamil yaqeen hai tum meri ban jaao gE ek din
tumhare dil mai utroon gI mohabbat ki sada ban kar

Mere josh-e-janoon par sari khalqat mujhko takti hai
zara tum bhi nazar dalo na bethoo yun Khuda ban kar

Tumhain yeh raaz batla doon k aksar chand ratoun main
teri aangan mai aatI hun sitaroun ki zeeya ban kar

Jigar ka khoon layI hoon tere singhaar ki khatir
hatheli par racha leyna ye mehkey ga Hina ban kar...!!!

Mujrim bhi tha mohsin bhi mera lagta tha...

Mujrim bhi tha mohsin bhi mera lagta tha
Dast-e-katil bhi mujhy dast-e-HinA lgta tha

Ary daikhny waly to usy daikhty reh jaty thy
Han wo shaks mohabt ka KHUDA lagta tha

kanton bhari shakh nazar aata tha kabi
Phool lagta tha kabi baad-e-saba lagta tha

Ab logon sy pochta phirta hai mare ghar ka pata
Main jisy sare zamany sy bura lgta tha

Us ki batein thin ravayat sy hat kar MOHSIN
Sub main rehta tha magar sub sy juda lgta tha..!!!

Es Dil me Salamat ha ab tak...

Es Dil me Salamat ha ab tak
Wo Shokhi-e-lab wo hraf-e-wafa,

Wo naqsh-e-qadam wo aks-e-hina
So bar jisy choma Hum ne,

Es Dil me Salamat ha ab tak,
Wo Gard-e-alm wo Deeda-e-num,

Hum jis me chupa ker rakhty thy,

Tasweer Bikharti Yaadon ki,

Zanjeer pighalty Waadon ki,

Poonji nakam Iradon ki,

Ay teiz Hawa Naraz na ho,

Es Dil me Salamat ha ab tak,
Kuch rezy Naram Sawalon k,
Kuch Dar Anmol khayalon k,

Ek Sacha Roop HaQiqat ka,
Ek JHOOTA Lfz MUHABAT ka...!!!

Titlee jo ek mujh ko mili thi kitaab main...

Titlee jo ek mujh ko mili thi kitaab main
Woh apna aks chore gayi mere khuwaab main

Ab tak woh mere zehen main uljha sawaal hai
Shaamil rahi jo har ghari mere nisaab main

Aankhon main neend hai na koi khuwaab door tak
Rehte hain hum bhi aaj kal waise azaab main

Milta hai gardishon se gale lag ke chaand bhi
Aaye the simat ke faasle kitne saraab main

Aakhir meri wafa ka mujhe kya sila mila
Likha na aik harf bhi us ne jawaab main...!!!

Khuwab jhoote kisi ko dikhaya nahi karte...

Khuwab jhoote kisi ko dikhaya nahi karte,
Mere dost! Yun kisi ko satya nahi karte,
Ek baar yun kisi ko keh ker apna,
Daman phir uss se churaya nahi karte,

Us ke intezaar se bhala kya ho ga haasil,
Aane ka keh kar bhi jo aaya nahi karte,
Rakhte hon jo dard bhara dil apne seene mein,
Doosron ka dil phir woh dukhaya nahi karte,

Do qadam saath chal kar jo judda ho jayen,
Aise logon ko toh humsafar banaya nahi karte,
Kiss tarha guzarti hogi zindagi unn ki,
Pehli mohabbat ko jo dil se bhulaya nahi karte...!!!

aik aas lagana chahte hain...

aik aas lagana chahte hain
tere dar per ana chahte hain

kuch nazre karam ho hum ager
hum sarko jhukana chahte hain

kia dogey hame sari khushian
hum daman ko pehlana chahte hain

tere kandhe pe sar rakh ker hum
gham apna sunana chahte hain

tum kya chahoge hum se kaho?
hum khud ko mitana chahte hain...!!!