Juda hone ka andesha’ juda honE se pehle tha,
Wo mujh se intehai khush’ khAfa hone se pehle tha,
Junoon ka doar guzra to mujhe b bhool betha wo,
Namaz-e-ishq tha lekin, qaza hone se pehle tha,
Main kese soch sakta tha mujhy wo chor jayega,
Bohat hi ba’wafa wo bewafa hone se pehle tha…
Bas itni si inaayat mujh pe aik baar kijiye
Kabhi aa ke mere zakhmon ka dedaar kijiye
Ho jaaye begaane aap shauq se sanam
Aapkee hain aapkee rahegey aitbaar kijiye
Parhne waale hi darr jaayen dekh kar ise
Kitaab-e-dil ko itnaa na daagdaar kijiye
Na majboor kijiye, ke main unko bhool jaaun
Mujhe meri wafaaon ka na gunehgaar kijiye
In jalte diyon ko dekh kar na muskuraaiye
Zara hawaaon ke chalne ka intezaar kijiye
Karna hai ishq aapse karte rahenge hum
Jo bhi karna hai aapko mere sarkaar, kijiye
Phir sapno ka ashiyaan bana liya hai maine
Phir aandhiyon ko aap khabardaar kijiye
Hame na dikhaiye ye daulaate ye shohrat
Hum pyaar ke bhookhe hain humey pyaar kijiye....
koi mujh ko mera bharpur sarapa la de
meray bazu,meri ankhe,mera chehra la de
naya mausam meri binai ko taslim nahe
meri ankho ko wohe khawab purana la de
koi khahish nahe tuj se ay meri umar e rawan
mera bachpan,mery jugnu,meri gurya la de...
Meri taqdeer se pooch meri qismat ka faisla.
Meri muskurahat pe na ja mere dard ko talaash ker
Meri aankhon se pooch mere intizaar ki inteha.
Mere itminaan pe na ja mere sabr ko talaash ker
Mere pyar se pooch mere pyar ka aalam.
Meri soorat pe na ja meri seerat ko talaash ker....
Tumhaari yaad kay jab zakham bharney lagtey hain
Kisi bahaaney tumko yaad karney lagtey hain
Hadees-e-yaar kay unwaan nikharney lagtey hain
Toh hareem mai gaisoo sanwarney lagtey hain
Her ajnabi humein mehram dikhaai daita hai
Jo ab bhi teri galli say guzarney lagtey hain
Saba say kartey hain ghurbat naseeb zikr-e-watan
Toh chashm-e-subah mai ansoo ubharrney lagtey hain
Wo jab bhi kartey hain us nuqta lab ki bukhiya giri
Fiza mai aur bhi naghmey bikharney lagtey hain
Dar-e-qafas pay andheray ki mohor lagti hai
Toh *pardesi* dil mai sitaarey utarney lagtey hain
Har RAAT Gham-e-Tanhaai,
Har SHAAM teri yaad aai,
Laakh tujhey bhulana chaha,
Us se barrh kar teri YAAD aai.,
Tuj se koi UMEED bhi wabasta nahi,
Iss DUKH se meri Aankh Bhar aai,
Logon ne poocha ASHKON ka sabab?
Bus Mujhe kehna para…!! “TANHAAI”
Yahan chahton ka sila nahi,
yahan dosti ka maza nahi,
yahan janay kesi hawa chali,
Rahi dostoon main wafa nahi,
yahan jal gaya mera aashiana,
Abhi badlon ko pata nahi,
Teray dar pe dastak de sakon,
ye haq to tum ne dia nahi,
Main raahi hon raah-e-umeed ka,
Mujhay manzilon ka pata nahi,
Be bas hon jahan main isqader,
jaisay mera koi “KHUDA” nahi,
MERI SAADGI MERA JURM HAi,
KOI AUR MERI KHATA NAHI....
Jab kabhi tera dil ghabraey ager tujhe meri yad aay tu lou ana,
Ager tera sath koi choray ager koi tera dil turey tu lout ana,
Kuch waqat achca guzra hai sath tumare
who waqat jab yaad aay tu lout ana,
Yahe waqat akser sath nai dete dil walon ka,
pas reh kar b ager koi sath na de tu lout ana,
Na jane teri itni yad q atti hai,
Ager yahe pegaam pohnch jaye tu lout ana....
Lagta nahi k sath nibhae ga dair tak,
Lekin wo muJh ko bhool na pae ga dair tak. . .
Jo bhi qareeb aae ga us k usay zaror,
wo meri dastan sunae ga dair tak
Dhonde ga wo muJhe inhi galiyon me aik “DIN”
Dhonde ga,or muJh ko na paae ga dair tak
Me sahilon ki rait pe likhon gi us ka naam,
Wo pani pe mire naqsh banaega dair tak..
Kis haal me hon us k baad main,
Sun kar usey yaqeen na Aaega dair tak.
ankhon me jo tehreerain theen!
honto pay vo bol na thay…
Hum thay us k pyar k aashiq!
Bas hathon mein kashkol na thay…
Hum ne us ko toot k chaha!
ye us ka haq tha lakin…
Wo b hum ko toot k chahey!
Hum itnay “ANMOL” na thay….
Hounto Pe Hunsi Dekh Li Dil k Ander Nahe Dekha,
Aap Ne Mere Gahmoo ka Samounder Nahe Dekha,
Kitne khoub Sourat H ye Duniya ye Dekha h Aap Ne,
JE JE k Marney Waloh ka Manzer Nahe Dekha,
SHeeSHAY ka Makaan Tu Ne Bana to Liya H pardesi,
Laiken waqt k Hath ka Pahter Nahe Dekha,
Rishtow k Totney ka Dard Tum Kiya Janow,
Wo Lamha Tum Ne Kabe Jee Kar Nahe Dekha,
Bahtkey Roshni ki Talash Mein Nahjane Kaha Kaha,
Afsoos k Apne RooH k Ander Nahe Dekha,
Dard kia hota hai btayein gein kisi roz
Kamal ki ghazal tum ko sunaein gein kisi roz
Thi unki zid k mai jaun unko manane
Mujko yeh veham tha vo bulayein gein kisi roz
kabi b maine to socha b nahi tha
Vo itna mere dil ko dukhaein gein kisi roz
Har roz aieene sey yehi poochti hun mae
Kia rukh pe tabassum sajayein gein kisi roz?
Urney do in parindon ko azaad fizaon mein
Tumhare hon agar to lout ayein gein kisi roz
Apne sitam ka dekh lena khud hi Saqi tum
Zakham e jigar tamaam log dekhein gein kisi roz !
AHL-E-Dil Youn Bhe Nibah Lete Hain
Dard Seene Main Chupa Lete Hain
Dil Ki Mehfil Main Ujaalon K Liye
Yaad Ki Shama Jala Lete Hain
Jalte Mausum Main Bhe Ye Deewane
Kuch Haseen Phool Khila Lete Hain
Apni Aankhon Ko Bana Ker Ye Zubaan
Kitne Afsane Suna Lete Hain
Jin Ko Jeena Hai Mohabbat K Liye
Apni Hasti Ko Mita Lete Hain
AHL-E-Dil Youn Bhe Nibah Lete Hain
Dard Seene Main Chupa Lete Hain....
Baaton baaton mein bicharnay ka ishara ker k
Khud bhi roya woh bohut hum say kinara ker k
Sochti rehti hon tanhai mein Anjam-e-Khuloos
Phir usi jurm-e-mohabbat ko dobarah ker k
Jagmaga di hain teray shehar ki galiyan mein nay
Apnay her ashk ko palkon pay sitara ker kay
Daikh laitay hain chalo hosla apnay dil ka
Aur kuch rooz teray sath guzara ker k
Aik hi shehar mein rehna magar milna nahin
Daikhtay hain yeh aziat gawara ker k.........
Ab kia likhain hm kaghaz par
Ab likhne ko kia baki ha,
ik dil tha so wo toot gya
ab tootne ko kia baki hay,
ik shakhs ko hm ne chaha tha
ik rait pr naksh banaya tha,
wo naksh kahan ab baki ha
ab kia likhain hm kaghaz par
ab likhne ko kia baki ha,
wo jin ko ham apni nazmo ka
unwan bnaya krte thay
lafzon ka banaa kar taj mahal
kaghaz par sajaya kerte the
wo shakhs jo hum ko chorr gya
sab rishton se mun mor gaya
ab kia likhain hum kaghaz par
ab likhne ko kia baki hay
ik dil tha so wo toot gya
ab tootne ko kia baki ha...
Yad aon to bas itni si inayat karna,
Apnay badlay howay lahjay ki wazahat karna,
Tum to chahat ka shahkar howa karte they,
Kis se seekha ulfat main milawat karna,
Hum sazaon k haqdar baney hain kab se?
Tum hi kah do kya jurm hai pyar karna?
Teri furqat main ye ankhain ab tak nam hain,
Kabhi aana meray ashkon ki zyarat karna,
Dil main ab bhi hain pyar k diye roshan,
Dekh bholay nahi hum teri hasti ki ibadat karna!
Mujhy jeenay ki umeed dobara day do,
Meri doobti kashti ki kinara dy do,
Main dard k sahil pay tanha khari hun,
Phir aa k apni baahon ka sahara day do,
Tera daaman to bhara hay sitaron say,
Mujhy sadqay may ik sitara day do,
Mery aangan my aj andhera ha bohat,
Meri dehleez ko phir apna nazara dy do,
Chund lamhy tujhy dekhnay ki hasrat hay bas,
My nay kab kaha waqt apna mujhy sara day do….!
Mujhy bekhudi ki hai arzoo
Mujhe qurbaton ka kumar dey
Mery ang ang mei youn uter
K mujhi mein khud ko utar de
Tu jo rug rug mein bus gea
Tu hai dorion ka jawaz kiya
Meri zindgi mery pass aa
Meri bekhudi ko qarar de
Hai nazar nazar teri joostaju
Tu meri wafa ki hia aabro
Kabi tu bi hu mere roobaro
Mujhe jaan say hi guzaar de
Mujhe iss terha say tu yad aa
Teri yad ka bi guman na ho
Tu mery khayal mein youn sama
K mera hrf hrf nikhar de
Meri zindagi mery pass aaaa
Tujhay izhar-e-mohabbat say agar nafrat hai,
Tu nay hontoo ko larznay say too roka hota,
bay niazi say, magar kanptey awaz k sath,
Tu nay gabhra k mera naam na pocha hota,
younhi be wajha bhataknay ki zarorat kiya thi,
Dam-e-rukhsat mai, agar yaad na aaya hota,
Hosla tujh ko na tha mujh say juda honay ka,
Warna kajol meri ankhon ka na phela hota
Tujhay izhar-e-mohabbat say agar nafrat hai,
Tu nay hontoo ko larznay say too roka hota,
Meri har aik shab taza azab main guzree
Tumharay baadh tumharay he khawab main guzri
Main aik phool thi jisay woh rakh ker bhool gaya
Phir tamam umr usee ke kitab main guzri.
Wo sunta to main kehti,mujhe kuch aur kehna tha,
wo pal bhar ko jo ruk jata,mujhe kuch aur kehna tha.
kamai zindagi bhar ki,usi k naam to kar di,
mujhe kuch aur karna tha,mujhe kuch aur kehna tha.
kahan us ne suni meri,suni b un-suni kar di,
usay maloom tha itna,mujhe kuch aur kehna tha.
meray dil main jo dar aya,koi mujh main b dar aya,
waheen ik rabta toota,mujhe kuch aur kehna tha.
rawan tha piyar NUS NUS main,bohat qurbat thi apis main,
usay kuch aur sun-ana tha,mujhe kuch aur kehna tha.
ghalat fehmi ne baton ko barha dala younhi warna,
kaha kuch tha,wo kuch samjha,mujhe kuch aur kehna tha.
Lahoo ronay se darti hoon , juda honay se darti hoon ,
Meri aankhain batati hain k main sonay se darti hoon ..
Meri unggli pakar laina mujhe tanha nahi karna,
Ye dunya aik maila hai tumhain khonay se darti hoon…
Jo hansty ho tu kyun palkoon k goshay bheeg jatay hain ,
Tumhain maloom hai main iss tarah ronay se darti hoon …
Ye jab se khwaab daikha hai tum mujhe choor jaao gee ,
Main ab darti hoon khwaabon se main ab sonay se darti hoon…
Kachi devaar hun Thokar na lagana mujhko,
Apni nazaron me Basa kr na girana mujhko
Tumko ankhon me tasavvur ki tarh rakhta hun,
Dil me dhadkan ki tarh tum B basana mujhko
Baat karne me jo mushkil ho tumhe mahafil me,
Main samajh jaoga nazron se batana mujhko,
Vaada utana hi kro jitna nibha sakte ho,
Khvab pura jo na ho vo na dikhana mujhko
Apne rishte ki nazakt ka bharm rakh lena,
Main to Aashiq hun deevana na banana mujhko...!!!
Baray-e-naam sahi koi meharbaan to he,
Hamare sar pe Bhi hone ko Aasamaan to he
Teri faraakhdili ko duaen deta hun,
Mere labon pe tere lams ka nishaan to he
Ye aur bat k vo ab yahan nahi rahta,
Magr ye us ka basaya hua makaan to he
Alavaa is k na kuch aur parda rakh mujhse
Fasiil-e-jism mere tere darmiyan to he
Bichar k zinda nahi rah sakenge ham dono,
Mujhe ye vaham to hai un ko ye gumaan to he
Saron pe saya_figan abr-e-Aarzu na sahi,
Hamare pas saraabon ka sayabaan to hai...!!!
Bhari mehfil mein tanha rehna acha lagta hai
Tere barey mein sochte rehna acha lagta hai
Kabhi pholon mein, kabhi kaliyon mein
Tujh ko hi dhoondhte rehna acha lagta hai
Meri zindgi ki khushiyan tumhi se hain wabasta
Rab say sirf tumhein hi mangna acha lagta hai
Tumharey baghair zindgi ka koi tasavur nahi hai
Kuch is tarah tumhari tamanna karna acha lagta hai
Tum hi ko chaha,tum hi ko chahtey hain
Tumhi ko chahtey rehna acha lagta hai...!!!
